A proba

O Gran Fondo Ézaro é unha multitudinaria proba ciclista popular que ten lugar dentro do incomparable marco da Costa da Morte, en Galicia (España). Unha paisaxe incrible, valores culturais e patrimoniais de primeira orde e un percorrido espectacular e esixente fan desta unha proba única. O percorrido transcorre a través dos concellos coruñeses de Dumbría, Muxía, Muros, Cee, Carnota e Vimianzo, en plena Costa da Morte, que acompaña ao corredor con fermosas paisaxes e duros ascensos. Existen diferentes itinerarios, con niveis de esixencia distintos, para que sexa un evento que se adapte ás características dos corredores que se queiran inscribir.  
Aínda así, os participantes obxectivo do Gran Fondo Ézaro son un tipo selecto de practicantes de ciclismo, dado que as características da proba obrigan a unha condición física adecuada, que implica preparación constante, dedicación e esforzo.
Ao seu esixente percorrido, con final no mítico ‘muro’ do Miradoiro de Ézaro, súmanse a contorna, os valores que promove a organización e o nome que, cos éxitos cultivados , gañouse a cita, atraendo a deportistas de toda España e de fóra das nosas fronteiras e a grandes nomes deste deporte.

Alex Zülle e Tony Rominger volveron revivir a súa pugna nas estradas galegas da Costa da Morte, como xa fixeran na Volta a España de 1993.

Diario As

Completar o fermoso percorrido polas estradas da Costa da Morte e a subida ao Ézaro, que xa se exhibiu na Volta a España, é todo un éxito.

Marca

Chiappucci e Indurain reencóntranse outra vez no Gran Fondo Ézaro.

Mundo Deportivo
Scroll to Top